Kubanjwe intombazana ngezityholo zokupheka iyelenqe lokubulala
Kubanjwe intombazana (23) Kwadwesi malunga nokubulawa kukaNolwandle Hlahlatyi.
Image: Umfanekiso ogciniweyo
Kulindeleke ukuba ivele phambi koMantyi eNew Brighton kungekudala intombazana (23) ejongene nezityholo zokubandakanyeka ekubulaweni kukaNolwandle Hlahlatyi (35) waKwadwesi ngoLwesithathu kwiveki ephelileyo.
Ingxelo ephuma kwisithethi samaPolisa, uCaptain Sandra Janse Van Rensburg, ithi amaPolisa abizwe ekuseni ngoLwesine umhla we11 kweyoMnga 2025, kwisitalato iBoesak, eGovan Mbeki, Kwadwesi nafike uNolwandle ekwityotyombe lakhe sele ebhubhile enamanxeba okudutyulwa.
Ingxelo iqhuba ithi, ubhuti wexhoba elinguNolwandle, uchazele amaPolisa ukuba ngomhla weshumi (10) kwiveki ephelileyo kusemva kwentsimbi yeshumi ebusuku, uNolwandle wayehleli ngasemva kwityotyombe lakhe yena wabe esendlini ngaphambili ebukele ithivi ngethuba esiva izithonga zompu zisitsho ngasemva.
Ingxelo ithi, ekuseni ngoLwesine bavuka bayokukroba ngasemva nabaqaphela ukuba ucango lwetyotyombe likaNolwandle livuliwe, ekungeneni kwabo bagagana nomzimba wakhe unamanxeba okudutyulwa.
Kuphando obeluqhutywa kubanjwe le ntombazana izolo ze yabekwa izityholo zokwakha iyelenqe lokubulala. Ulindeleke ukuvela phambi koMantyi malunga nezi zityholo.