Kuhlatywe umfundi wabhubha ngabanye abafundi ngaphakathi esikolweni
|Published
Umfundi kaGrade12 eHumansdorp High School uhlatywe wabhubha ngabanye kusasa ngoLwesibini.
Image: IOL
AmaPolisa aseMpuma Koloni aphanda ngetyala lokubhubha komfundi kaGrade12 wesikolo iHumansdorp High School emva kokuba ehlatywe ngabanye abafundi ngaphakathi esikolweni.
Ngokwengxelo ephuma kwisithethi samaPolisa, uWarrant Officer Majola Nkohli, esi sehlo senzeke ngentsasa yanamhlanje uLwesibini umhla wama23.
UNkohli uthi ingxelo efumanekileyo ithi, emva kwentsimbi yesibhozo kusasa, ingxwabangxwaba ebiphakathi kwabafundi ishiye umfundi omnye ephulukene nobomi bakhe.
Lo mfundi (18) ungasekhoyo ubhubhele kwindawo leyo yexhwayelo enamanxeba okuhlatywa.