Libhinqa elinye namadoda amabini abanjiweyo emva kokuba behlasele amaPolisa!
Abarhanelwa abathathu kuwo kukho nobhinqileyo bagcinwe eziseleni eGelvandale emva kokuba bebanjiwe bebanjelwa ukudubula amaPolisa.
Image: Independent Newspapers Archive
AmaPolisa aseGelvandale eGqeberha abambe abarhanelwa abathathu emva kokuba bethe baqalisa ukuthulula ngeembumbulu emapoliseni ngethuba kuqhuba iphulo lokuthintela ulwaphulomthetho eSchauderville ngobusuku bangoLwesithathu kule veki.
UCaptain Sandra Janse van Rensburg uthi, ngezithuba zentsimbi yethoba ebusku amaPolisa ngethuba eqhuba iphulo afumane ingxelo yokuba kunemoto iVW Polo elayishe imipu. Ngethuba besaqhubekeka njalo nokupatrola, babone le moto kwisitalato iCork eSchaurderville, xa ezama ukuyimisa le moto abarhanelwa baphendule ngokudubula emva koko basiqwela ngemoto neye yayokuntlitheka edongeni yama babanjwa.
Abarhanelwa aba, amadoda anamashumi amabini ananye (21) ubudala, lo ubhinqileyo uneshumi elinesibhozo (19). Babanjiwe kwathathwa nemipu kwaneembumbulu ebizingaphakathi kule VW Polo yabarhanelwa.
Aba baseluvalelweni belindele usuku lwabo lokuvela phambi koMantyi eGelvandale ingaphelanga le veki.