Iindaba

Kukhangelwa obulele inkosikazi ebikhulelwe nendoda eMonti!

Abongile Ginya|Published

Yinkosikazi (35) ebikhulelwe kwakunye nomyeni (40) ababhaqwe benamanxeba okudutyulwa bebhubhile emzini wabo eDice, eReeston, eMonti.

Image: Umfanekiso ogciniweyo

AmaPolisa aseScenery Park avule ityala lokubulala kulandela isiganeko sokudutyulwa kwabantu ababini ngomhla wesine kule nyanga eReeston eMonti.

Ngokwengxelo ephuma emapoliseni ithi, abamelwane beve izithonga zompu, ekuphandeni kwabo kule ndlu kuvakala kuyo izithonga, bagangwa ngumzimba wendoda (40) nowenkosikazi (35), nebikhulelwe sele ineenyanga eziqikelelwa kwisibhozo ukuya kwisithoba.

UBrigadier Nobuntu Gantana uthi umfazi ufunyenwe phambi komnyango wasekhitshini enamanxeba amabini kwithanga lasekhohlo elinye lisesiswini sele ebhubhile. Umzimba womyeni wona ufunyenwe usemva kwecango lasekhitshini nawo unamanxeba amabini lisekhohlo esifubeni elinye lisentanyeni.

UGantana uthi okwangoku awukaziwa unobangela woluhlaselo, kwaye akukabikho mntu ubanjiweyo. 

AmaPolisa abongoza intsebenziswano kubahlali ekubeni beze ngaphambili onolwazi malunga nesi sehlo kuba inokuthi incedise kuphando. Angatsalela isikhululo saseScenery Park okanye iCrime Stop ku08600 10111. 

UGantana uthi oku kuyakhalinyelwa kwaye izenzo ezinje azamkelekanga ekuhlaleni.