Kukhangelwa abadubule oomama ababini besazingqengqele kurontawuli
Kukhangelwa ababini abadubule babulala oomama ababini eFlagstaff bezingqengqele kurontawuli ekhayeni labo.
Image: Supplied
AmaPolisa aseFlagstaff eMpuma Koloni abongoza intsebenziswano kuluntu olunokuba nolwazi malunga nokudutyulwa koomama ababini besazingqengqele kurontawuli ekhayeni labo kwilali yaseMaramzini eFlagstaff.
Ngokwengxelo ephuma kuCaptain Welile Matyolo, aba mama nabaphakathi kweminyaka engama55 nama65, badutyulwe ngoMgqibelo ngorhatya ngezithuba zentsimbi yeshumi bedutyulwa ngabantu abangaziwayo.
Aba mama bebediniwe bebuya emngcwabeni ubuselalini ngethuba kungena iimbumbulu zokudutyulwa ngefesitile nezithe zachana la maxhoba kumzimba ongentla nabaye babhubha kwangoko.
Lowo unokuba nolwazi uyabongozwa ukuba atsalele umphathi wabacuphi obambeleyo, uDetective Sergeant Luleko Zithutha ku073 531 0400 okanye le nombolo 0860010111, kungenjalo atyelele kwisikhululo esikufutshane naye uyakukhuseleka.