UMalema uthethelela uluvo lweEFF emva kokuba uTrump edlale iividiyo zakhe
Iividiyo zenkokeli yeEFF uJulius Malema zidlalwe eWashington DC, eMelika nguMongameli waseMelika uDonald Trump ngethuba ebambe indibano noMongameli uCyril Ramaphosa.
Image: Jim WATSON / AFP
Inkokeli yeEconomic Freedom Fighters (EFF) uJulius Malema uyikhabile indibano ekudala ilindelwe phakathi kukaMongameli uCyril Ramaphosa noDonald Trump eWhite House, eyichaza le ndibano "njengeqela lamadoda amadala adibane ukuze andihlebe."
Le ntetho iza emva kokuba uTrump emise intlanganiso ngoLwesithathu wabonisa iividiyo zikaMalema ecula "Kill the Boer" (Bulala iBhulu), emva koko wabuza ukuba kutheni le nkokeli yeEFF ingabanjwanga ngokusebenzisa intetho yexesha lomzabalazo.
Ephendula, uMalema umile ngelithi abukho ubungqina obubambekayo okanye ubungqina obuxhasa ibango lokubulawa kwabantu abamhlophe ngenxa yobuhlanga eMzantsi Afrika. Ukwagxininise inkolelo engagungqiyo yeEFF malunga nokubuyiselwa komhlaba.
"Asiyi kuvuma ukuyekelela imithetho siseko yethu yezopolitiko malunga nokubuyiselwa komhlaba ngaphandle kwembuyekezo ngenxa yezizathu zezopolitiko," utshilo kwikhasi lakhe likaX.
Kwingxelo, iEFF iyigxekile indibano kwaye yathi soze bathobele banikezele kwi-impiriyali.
"I-EFF inebhongo ngokuba injongo yayo yowiso mthetho nezopolitiko, ekhokelwa nguMongameli kunye neNkumanda eyiNtloko uJulius Malema ishukumise ama-impiriyali eWashington...
"Ngenxa yoko, iEFF ixhalabile ngekhwelo lokuba kuthatyathwe amanyathelo okuthintela uMongameli weEFF ekubeni acule ingoma elilifa lomzabalazo," itshilo iEFF.
Iibharethi ezibomvu zithe ziza kuqhubeka nokulandela okwenzeka eWashington.
Kusenjalo, lo mbutho uphinde wagxininisa ukuba baza kuchasa nakuphi na ukuthotywa kwemithetho yoMzantsi Afrika ukuvumela iStarlink ukuba isebenze eMzantsi Afrika.
"Siyakuchasa nakuphi na ukujikwa kwemithetho yenguqu, kuquka naleyo iza kuvumela ukubuyiselwa komhlaba," itshilo iEFF.