Ubhubhe emva kokuquleka phantsi utitshalakazi wesiXhosa!
|Published
Utitshalakazi obehlohla isiXhosa kwisikolo iBhisho High School eBhisho eMpuma Koloni, uLindelwa Ncanywa, uyafihlwa kowabo kuQoboqobo ngoMgqibelo wale veki.
UMphathiswa weSebe lezeMfundo eMpuma Koloni, uFundile Gade, udlulise amazwi omothuko kwanovelwano kusapho lakwaNcanywa.
ISebe limchaze uNcanywa njengalowo ebegqamile kwilwimi lwesiXhosa noncedise isikolo ukuba sivelise oompondo zihlanjiwe.
Ingxelo iqhuba ithi uNcanywa ubhubhe ekuseni ngoLwesihlanu ekwakhe emva kokuba ethe watyibilika wawaphantsi evasa kwigumbi lokuvasela.
UNcanywa uye wakhawuleza wabalekiselwa kwisibhedlele esikufutshane nochazwe njengobhubhileyo xa engena ngenxa yomonzakalo entloko.
UGade uthi lo titshalakazi uza kukhunjulwa ngomsebenzi wakhe nangokuzinikela kwakhe.