Iseziseleni inkosikazi yaKwaZakhele eBhayi emva kokuba ithe yabanjwa ngamaPolisa nejongene nezityholo zokuhlaba ibulale indoda ebincuma nayo egama linguPhumelele Sola (56).
Ngokwengxelo ephuma kuCaptain Sandra Janse Van Rensburg ithi, amaPolisa aKwaZakhele ebejikeleza kwisitalato iMbulelo eSoweto on Sea, kubusuku bangeCawe kusemva kwentsimbi yesibini ekuzeni kusa ngethuba emiswa yile nkosikazi nengumrhanelwa.
Le nkosikazi izichazile ukuba ibulele isithandwa sayo. Ekungeneni kwawo amaPolisa endlini yesi sibini ngenene afike ixhoba lithe natya ebhedini linenxeba elikhulu kwithanga lalo lasekhohlo.
Owona nobangela wokuba le nkosikazi ibulale isithandwa sayo awukaziwa, uyakuvakala eziNkundleni zamaTyala eNew Brighton ngosuku lwayo lokuvela.
Ixhoba lihlatywe ngomlomo webhotile eyophukileyo.