Kubhubhe amadoda ethaveni, kwabanjwa umnikazindawo
Amapolisa aseQonce ngethuba eyokwenza uphando kwenye yeendawo zentselo eSweetwaters eZwelitsha, malunga nokudutyulwa kwamadoda amabini ngabantu abangaziwayo, kujike izinto kwabanjwa umnikazi wethaveni emva kokuba kubhaqwe iipakethi ezilishumi (10) zesiyobisi sohlobo lwetiki kwakunye nebhokisi ezine (4) zohlobo lwemadrax.
Lo mnikazi wethaveni nongutata onama43 eminyaka ubudala, ujongene nezityholo zokubaneziyobisi. Kulindeleke ukuba avele kwiNkundla yamaTyala eQonce namhlanje.
La amadoda mabini afunyenwe ngaphandle kwale ndawo enamanxeba aliqela okudutyulwa kwaye sele ebanda. Unobangela wesi sehlo awukaziwa kwaye luyaqhuba uphando.
UBrigadier Tembinkosi Kinana ubongoza nabani na onokuthi abe nolwazi malunga nokudutyulwa kubulawe la madoda mabini ngaphandle kwale thaveni. Uthi olo lwazi lakuncedisa kuphando olwenziwayo. Onolwazi angaya kwisikhululo samapolisa esikufutshane kuye okanye atsalele ku10111.