Uswelekile umdlali weRhythm City
|Published
UMDLALI weqonga nomabonakude, uMncedisi Shabangu uswelekile.
UShabangu, 53, usweleke ngentsasa yanamhlanje, ngokutsho kwengxelo ekhutshwe lusapho.
Usapho lukwabambe ngazibini kuluntu ngemiyalezo yovelwano, lusithi umhla womngcwabo nenkonzo yesikhumbuzo wobuya waziswe.
UShabangu uzakhele udumo ngokudlala indawo kaKhulekani kumdlalo kamabonakude iRhythm City. Yile ndima emenze aphumelele iSAFTA njengomdlali oqaqambileyo ngonyaka ka2020.
Ukwadlale kwimidlalo efana neNumber Number, The Kingdom-Ukhakhayi, Ingozi neThe Lab.