Uswelekile uKoyo woMhlobo Wenene
|Published
USWELEKILE umsasazi woMhlobo Wenene FM, uBulelani Koyo, emva kwengulo yethutyana.
UKoyo, obekwayimvumi, ebebhexesha inkqubo yeeKwayala neMiphanga kuMhlobo Wenene. Ubhubha emva kweenyanga ezimbalwa zokulwa nomhlaza wesibindi.
UKoyo uphumele elubala ngesi sigulo kwinyanga ephelileyo ngethuba lodliwanondlebe kwenye yeenkqubo zesi sikhululo.
Lo msasazi ubhubha emva kokwenzelwa ikhonsathi yokumnceda aqokelele imali yokuthenga amachiza. Le khonsathi nebidibanise izihlobo, iimvumi noogxa bakaKoyo emsebenzini ibibanjelwe eGqeberha izolo (iCawa).
Umhlobo Wenene kulindeleke wenze isibhengezo ngokusesikweni mayela nesi sehlo kusasa.