Uswelekile umdlali weMuvhango neGenerations!
|Published
USWELEKILE umdlali kamabonakude uMutodi Neshehe.
UNeshehe ebeneminyaka ingama46 ubudala.
Okwangoku akukabikho nkcukacha zikhutshiweyo ngokubhubha kwakhe.
"Kulusizi ukuvakalisa ukuba uMutodi Neshehe usishiyile ngalo mhla wokuqala kuJuly 2021. Ebengumntakwe, umalume, utata, umluleki, umzekelo nomdlali kamabonakude. Uza kukhunjulwa lusapho nezihlobo," kubhala usapho kwingxelo oluyikhuphileyo.
Phakathi kwemidlalo adlale kuyo emininzi, uNeshehe ukhe wadlala njengoNdalamo Mukwevho kuMuvhango, waphinda wanguZola Radebe kwiGenerations.
Ushiya ngasemva abantwana abangamantombazana ababini.