Usomashishini waseThekwini uShauwn Mkhize ungusihlalo weqela laseSwatini iMbabane Highlanders.
Image: BackpagePix
Abalandeli beqela laseSwatini likasomashishini waseThekwini uShauwn Mkhize, iMbabane Highlanders AM, bangene ebaleni babetha usompempe emva kokuba iqela labo likhutshiwe kwindebe yeNgwenyama (Ingwenyama Cup).
Kumdlalo weRound of 16 eMavuso Sports Centre, kubekho isiphithiphithi emva kokuba iNsingizini Hotspurs ifake igowuli elingene kwixesha olongezelelweyo ukuze iphumelele umdlalo ngo'1-0. INsingizini Hotspurs iqeqeshwa ngowayengumqeqeshi weOrlando Pirates Reserves uMandla Qhogi.
Bengonwabanga ligowuli elifakwe umdlalo usezophela, abalandeli beMbabane Highlanders AM bavakalise indlela abaziva ngayo ngokungena ebaleni, abanye behlasela usompempe njengoko ebezama ukubaleka.
Kwividiyo ejikeleza kumakhasi onxibelelwano, usompempe ubonakala ekhatywa futhi enyathelwa emva kokuba ewile phantsi.