uEric Tinkler uthi indawo ekuyo iSekhukhune United 'iyisebenzele'
Surprise league leaders: Umqeqeshi weSekhukhune United head, uEric Tinkler, uncome iqela lakhe emva kokuba libethe iGolden Arrows emdlalweni ogqithileyo.
Image: BackpagePix
Umqeqeshi weSekhukhune United, uEric Tinkler, ubongoze abadlali bakhe ngelithi mabaqhubele phambili nokusebenza ngokuzimisela.
Oku ukuthethe emva kokuba iSekhukhune United ibethe iGolden Arrows ngegowuli elinye emdlalweni weBetway Premiership obubanjelwe ePeter Mokaba Stadium ngempelaveki egqithileyo.
Igowuli elifakwe yifolosi eyinkathazo, uBradley Gobler, lilo elinike iSekhukhune United impumelelo yesibini kwiveki enye. Ekuqaleni kweveki ephelileyo, iSekhukhune ibethe iKaizer Chiefs ngamagowuli amathathu kwelinye eFNB Stadium.
Emva kokungaqhubi kakuhle kwiMTN8 ekuqaleni kwesizini, iSekhukhune United iqhube kakuhle kwiBetway Premiership. Ngoku ihleli kwindawo yokuqala emva kokuqokelela ishumi elinethoba lamanqaku emidlalweni esixhenxe.
Nakubeni isizini ingakafiki kwisiqingatha - kodwa sekucaca ukuba iSekhukhune United izimisele ngokubhukuqa iMamelodi Sundowns eneminyaka emininzi isenza unothanda kwiBetway Premiership.
UTinkler ufuna abadlali bakhe babeke iingqondo zabo emdlalweni ngamnye ophambi kwabo, hayi ezinye izinto. "Kubalulekile ukubeka iingqondo zethu emsebenzini ephambi kwethu singaphazanyiswa zezinye izinto kuba siqhuba kakuhle," utshilo uTinkler emva kokuba iqela lakhe liphumelele ngomzuzu wokugqibela ePolokwane.
"Sikusebenzele ukuba kwindawo esikuyo ngoku - kodwa kublulekile ukuqhubela phambili nokwenza umsebenzi wethu kakuhle," utshilo uTinkler phambi kokuncoma uBradley Gobler ofake amagowuli amathathu emidlalweni emibini kwiveki ephelileyo. UGobler usecicini lokuba ngoyena mdlali onamagowuli amaninzi kwiPSL.