UMiguel uveza umahluko okwiChiefs kwisizini eqhubekayo
u-Inacio Miguel uthi iKaizer Chiefs inabadlali aboneleyo abaza kumelana nomthwalo kwisizini eqhubekayo.
Image: KC Media
Umdlali wasemva, u-Inacio Miguel, ubalule izinto ezenza yahluke iKaizer Chiefs yale sizini eqhubekayo kwedlulileyo.
Le ndedeba yaseAngola ikuchaphazele oku ngethuba ithetha namajelo eendaba emva kokuthelekiswa kwamaqela ashiyekileyo kwiCAF Confederation Cup emsithweni obubanjelwe eGoli kutshanje.
Amakhosi enze umtsi oya phambili emva kokuba ebethe iKabuscorp yasebumelwaneni (eAngola) neAS Simba yaseDemocratic Republic of Congo kwizigaba zokuqala zeConfederation Cup. Oku kwenzeke emva kokuhamba kukaNasreddine Nabi kutshanje.
Nangona uNabi akwazile ukugweba indlala yeminyaka elishumi ngokuphumelela iNdebank Cup ebuyisele iChiefs emidlalweni yeCAF - kodwa bekukhona ukukhwina ngenx yokungaqhubi kakuhle kwiBetway Premiership okubangele iphoswe yiTop 8.
Eminyakeni emithathu, iChiefs yoyisakala emdlalweni wokugqibela weCAF Champions eyabethwa kuwo yiAl Ahly eyayiqeqeshwa nguPitso Mosimane. Isiqalo seChiefs esithembisayo kule sizini eqhubekayo nokwenza ngcono kwiConfderation Cup kunyuse amathemba abalandeli bayo.
"Kunzima ngoba siphakathi kumaqela adlala imidlalo yeCAF," utshili uMiguel ethetha neentatheli kwiveki ephelileyo. "Naliphi iqela esidibana nalo ngoku liza kusinika umdlalo onzima. Kodwa iKaizer Chiefs lelinye lamaqela amakhulu kwizwekazi leAfrika.
"Sikulungele ukuqubisana nantoni na ephambi kwethu. Abaphathi nabaqeqeshi benze ubulumko ngokuqinisa iqela elilwela iindebe ezintathu. Kule isizini siyakwazi ukudlalisa abadlali abohlukileyo ngoba sineqela elikhulu elisivumelayo ukuba sikwazi nokudlala imidlalo yeCAF," utshilo uMiguel.
Ancumile Amakhosi ahleli kwindawo yesithathu emva kokuvuthulula iMagesi FC emdlalweni weBetway Premiership obubanjelwe eFNB Stadium kwiveki ephelileyo. Emva kwekhefu, Amakhosi aza kudibana neMagesi FC emdlalweni olandelayo ePolokwane.
Kunyanzelekile aqhube kakuhle emidlalweni elandelayo ukuze iChiefs ikwazi ukuhlala kufutshane kwiMamelodi Sundowns ne'Orlando Pirates ezihleli phezulu ngokulandelelana kwiBetway Premiership.